Uzbekistan Airways aviakompaniyasi Xitoyning CALC lizing kompaniyasi bilan to'rtta yangi Airbus A321neo samolyotini yetkazib berish bo'yicha kelishuvga erishdi. Tomonlar o'zaro anglashuv xatlarini imzolashdi va samolyotlar 2027–2028 yillarda yetkazilishi kutilmoqda.
Ushbu aerobuslar ikki sinfga mo'ljallangan joylashuvga va yangi avlod Airspace Premium qulay saloniga ega bo'ladi. Ularning bortida zamonaviy ko'ngilochar tizim va yuqori tezlikdagi Wi-Fi mavjud bo'ladi.
CALC bilan hamkorlik bir necha yillardan buyon davom etmoqda va ushbu yangi kelishuv Uzbekistan Airways aviakompaniyasining 2026–2028 yillarga mo'ljallangan uzoq muddatli floti yangilash dasturining bir qismi hisoblanadi. Rejaga ko'ra, o'zbek aviakompaniyasi CALC’dan jami olti dona A321neo samolyotini qabul qiladi.
Bu bilan ushbu modeldagi samolyotlar soni aviakompaniya floti tarkibida 15 taga yetadi. Uzbekistan Airways boshqaruv raisi Shuxrat Xudoyqulov aviakompaniya havo flotini izchil yangilayotganini, yangi texnologiyalarni joriy etayotganini va xizmat ko'rsatish sifatini yaxshilayotganini qayd etdi.
U A321neo samolyotlari tejamkorlik, ilg'or texnik echimlar va yo'lovchilar uchun qulaylikni o'zida mujassam etganini ta'kidladi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
