Oʻzbekistonda "Mening maktabim" loyihasining ikkinchi bosqichi uchun ovoz berish boshlandi
Oʻzbekistonda 2025/2026 oʻquv yili uchun "Mening maktabim" loyihasining ikkinchi bosqichi doirasida ovoz berish jarayoni boshlandi. Bu haqda podrobno.uz xabar beradi.
Vazirlik maʼlumotiga koʻra, loyihaning ikkinchi bosqichi 2025 yil 15 dekabrda start olgan, 10 yanvarda esa loyihalarni shakllantirish va saralash yakunlangan. 11 yanvardan 20 yanvargacha (23:59 gacha, Toshkent vaqti bilan) faol ovoz berish bosqichi davom etadi.
Joriy bosqichda mamlakatning 96 ta tumanida joylashgan, 3 va 5-toifaga mansub 5104 ta maktab ishtirok etmoqda. Shuningdek, birinchi bosqichda gʻolib boʻlmagan 36 ta maktabga loyihada qayta qatnashish imkoniyati berildi.
Loyihada 5–11-sinf oʻquvchilari ishtirok etishi mumkin: ular maktab sharoitlarini yaxshilash boʻyicha takliflar kiritadi va boshqa ishtirokchilar taqdim etgan tashabbuslar uchun ham ovoz beradi. "Mening maktabim" umumtaʼlim maktablarini rivojlantirish, oʻquvchilar tashabbuslarini qoʻllab-quvvatlash hamda infratuzilma, taʼlim sifati va maktab muhitini yaxshilashga qaratilgan amaliy gʻoyalarni hayotga tatbiq etishni koʻzlaydi. Saralash yakunida eng dolzarb, innovatsion va amalga oshirishga tayyor takliflar tanlab olinib, ragʻbatlantiriladi.
“Zamin”ni Telegramʻda oʻqing!
