O‘zbekistonda 2017 yili kishi boshiga o‘rtacha daromad 5,8 million so‘mni tashkil qildi

2017 yil yanvar dekabr holatiga aholi umumiy daromadlari 186,2 trillion so‘mni, bir kishiga o‘rta hisobda 5,8 million so‘mni tashkil etdi. Bu haqda Davlat statistika qo‘mitasi hisobotida aytildi.

Aholi umumiy daromadlarining real o‘sish sur’atlari o‘tgan yilning mos davriga nisbatan 110,3 foizni tashkil etdi.

Aholi jon boshiga o‘rtacha umumiy daromadlari bo‘yicha Toshkent shahrida (12,7 million so‘m) hamda Navoiy (9,1 million so‘m), Buxoro (6,7 million so‘m), Toshkent (6,1 million so‘m) va Sirdaryo (5,8 million so‘m) viloyatlarida o‘rtacha respublika darajasidan yuqori ko‘rsatkichlar qayd etildi Aholi jon boshiga umumiy daromadning eng yuqori real o‘sish sur’ati Xorazm viloyatiga (16,8 foiz) to‘g‘ri keladi.

Shuningdek, Andijon (14,7 foiz), Surxondaryo (14,5 foiz), Namangan (13,7 foiz), Samarqand viloyatlarida (11,5 foiz) hamda Qoraqalpog‘iston Respublikasida (11,1 foiz) aholi jon boshiga umumiy daromad ko‘rsatkichlarining real o‘sish sur’atlari respublika darajasidan yuqorini tashkil etgan. “Zamin”ni Telegramʻda oʻqing!