Madridning «Real» klubi hujumchisi Kilian Mbappe jarohatini bartaraf etib, «el klasiko» oldidan safga qaytdi. Bu haqda euro-football.ru xabar beradi.
Fransuz futbolchi Ispaniya Superkubogi yarim finalida «qaymoqranglilar» «Atletiko»ni 2:1 hisobida mag‘lub etgan bahsni o‘tkazib yuborgandi. Derbidan so‘ng bosh murabbiy Xabi Alonso yulduzli forvard yaqin vaqt ichida jamoa ixtiyoriga qaytishini ma’lum qildi.
«Mbappe ertaga uchib keladi. U o‘zini yaxshi his qilyapti va «Barselona»ga qarshi o‘ynay oladi», — dedi Alonso matbuot anjumanida.
Ispaniya Superkubogi finali yakshanba kuni, 11-yanvar sanasida bo‘lib o‘tadi. Eslatib o‘tamiz, turnir uchrashuvlari Saudiya Arabistonida o‘tkazilmoqda.
Kilian Mbappe tizzasidagi jarohat sabab «Real»ning ketma-ket ikki o‘yinida maydonga tusha olmagandi.
“Zamin”ni Telegramʻda oʻqing!
