Malayziyaning Nilay shahrida velotrek bo‘yicha “Asean track series” musobaqasining 1-bosqichi yakunlandi. Unda qatnashgan O‘zbekiston terma jamoasi juda munosib natija qayd etib, umumiy hisobda 3 ta oltin va 1 ta bronza medalini jamg‘ara oldi.
Bu bosqichning haqiqiy qahramoni Sergey Rostovsev bo‘ldi. U bir musobaqada uch xil yo‘nalishda ham raqiblarini ortda qoldirib, oltin medallar “kolleksiya”sini to‘ldirdi. Rostovsev omnium, skretch va elimineyshn bahslarida g‘oliblikni o‘z hisobiga yozdirdi.
Quvonarlisi, qizlarimiz ham medal bilan qaytdi. Nafosat Koziyeva elimineyshn dasturida kuchli raqobat orasida bronza medalini qo‘lga kiritib, terma jamoa hisobini yanada boyitdi.
Medallar ro‘yxati:
Oltin medallar:
— Sergey Rostovsev (omnium)
— Sergey Rostovsev (skretch)
— Sergey Rostovsev (elimineyshn)
Bronza medal:
— Nafosat Koziyeva (elimineyshn)
Endi hamyurtlarimiz shu shaharning o‘zida 10–11-yanvar kunlari o‘tkaziladigan 2-bosqichda ham o‘z omadini sinab ko‘radi. MOQ xabar berishicha, jamoa yaxshi ruhiyatda va navbatdagi startlarga tayyorgarlikni davom ettirmoqda.
Qisqasi, Nilaydagi birinchi bosqich “biznikilar” uchun kayfiyatli boshlandi. Endi ikkinchi bosqichda ham shunday temp ketsa — medallar yana ko‘payadi.
“Zamin”ni Telegramʻda oʻqing!
