Saudiya Arabistoni chempionatining 13-turida «Al-Nasr» o‘z maydonida «Al-Qodisiya»ga 1:2 hisobida imkoniyatni boy berdi. Bu haqda euro-football.ru xabar beradi.
Mehmonlar 51 va 66-daqiqalarda kiritilgan gollar evaziga ustunlikni qo‘lga kiritdi. Uchrashuv yakuniga yaqin Krishtianu Ronaldu penaltidan aniq zarba berib, hisobni qisqartirdi, biroq jamoa maglubiyatdan qutula olmadi.
O‘yindan so‘ng 40 yoshli hujumchi ijtimoiy tarmoqlarda muxlislarga murojaat qildi: «Kurash hali tugamadi. Ishlashda davom etamiz va birga albatta muvaffaqiyatga erishamiz!»
«Al-Nasr» mavsumni ketma-ket 10 g‘alaba bilan boshlagan edi, biroq so‘nggi uch o‘yinda atigi bir ochko to‘pladi. Jamoa ikkinchi o‘rinda bormoqda va peshqadam «Al-Hilol»dan o‘zaro bahs oldidan to‘rt ochko ortda qolmoqda.
“Zamin”ni Telegramʻda oʻqing!
