«Manchester Yunayted» sardori Brunu Fernandes «Chelsi» yarim himoyachisi Koul Palmerning «Vulverhempton»ga qarshi o'yinda urgan uch golidan so'ng uning o'yinini alohida e'tirof etdi. Bu haqda euro-football.ru xabar beradi.
Palmer shanba kungi APL uchrashuvida 13 va 35-daqiqalarda penaltidan aniq zarba yo'lladi, 38-daqiqada esa o'yindan gol urib, chet-trikni rasmiylashtirdi. 23 yoshli futbolchi bellashuvdan keyin ijtimoiy tarmoqlarda g'alabaga bag'ishlangan post qoldirdi, Fernandes esa izohda qisqa va lo'nda fikr bildirdi: «Qanday o'yinchi!»
Palmerning uch goli «Chelsi»ga «bo'rilar» ustidan 3:1 hisobidagi g'alabani taqdim etdi. O'yindan keyingi intervyuda «ko'klar» yarim himoyachisi jarohatlar bilan bog'liq muammolardan so'ng hali ham optimal sport formasini to'liq tiklab ulgurmaganini aytdi.
“Zamin”ni Telegramʻda oʻqing!
