Anxel di Mariya vatani Argentinaga qaytdi va dastlabki ijobiy o‘yinlardan keyin uning atrofida noxush fon kuchaydi. Bu holat ko‘proq natijalardan emas, balki raqiblar hamda muxlislar orasidagi norozilikdan kelib chiqmoqda: ular tajribali vinger maydonda tez-tez yiqilishga urg‘u berib, hakamni aldashga urinadi, deb hisoblamoqda. Bu haqda euro-football.ru xabar beradi.
Argentina chempionati muhokama qilinadigan forumlarda sobiq «Manchester Yunayted» va «Real» futbolchisi, hozirda «Rosario Sentral» safida to‘p surayotgan di Mariyaga nisbatan tanqidlar ko‘paygan. Ayrim izohlarda «Nega di Mariyaning hiylalari uchun uni ogohlantirishmaydi», «Yulduz futbolchi, ammo bu qiliqlar joniga tegdi», «Shunday darajadagi o‘yinchining penalti so‘rash uchun bunday yo‘l tutishi achinarli» kabi fikrlar yangramoqda.
“Zamin”ni Telegramʻda oʻqing!
