"Antalyaspor" himoyachisi Georgiy Jikiya Turkiyadagi faoliyati borasida berilgan savollarga javob qaytardi. 32 yoshli futbolchining so'zlari "FNL s Ilyovym" telegram-kanali e'lon qilgan videoda keltirildi. Bu haqda euro-football.ru xabar beradi.
Jikiyadan klubdagi ishlari qanday ketayotgani so'ralganda, u hammasi joyida ekanini aytdi. Shuningdek, futbolchi Turkiyadagi sharoitlar va muhit o'zini to'liq qoniqtirayotganini tabassum bilan ta'kidladi.
Georgiy Jikiya "Antalyaspor" safiga o'tgan yozda kelib qo'shilgan. Shundan buyon u 13 ta uchrashuvda maydonga tushib, 2 ta gol urishga ham ulgurdi.
Hozir "Antalyaspor" Turkiya Superligasi turnir jadvalida 14-o'rinda bormoqda. Jamoa navbatdagi o'yinini 13 fevral kuni o'z maydonida "Samsunspor"ga qarshi o'tkazadi.
“Zamin”ni Telegramʻda oʻqing!
