Madridning «Real» klubida o'ng qanot himoyachisi David Ximenes asosiy jamoada mustahkam o'rin egallashi mumkin. Bu haqda euro-football.ru xabar beradi.
21 yoshli futbolchi La Ligadagi so'nggi «Valensiya»ga qarshi uchrashuvda ilk bor startda maydonga tushdi, «qaymoqranglilar» esa «Mestalya»da 2:0 hisobida g'alaba qozondi. Jurnalist Ruben Martinning xabar berishicha, bosh murabbiy Alvaro Arbeloa Ximenesning o'yinidan juda mamnun qolgan. Arbeloa uni «Kastilya»dagi hamkorlik davridan yaxshi bilsa-da, yosh lateral baribir murabbiyning barcha kutganlaridan ham yuqori darajada harakat qildi.
Manbalarga ko'ra, endilikda Ximenes asosiy tarkib o'yinlariga tez-tez jalb etiladi. U hozirgacha «Real» safida to'rtta uchrashuvda qatnashgan, shundan ikkitasi Ispaniya kubogiga to'g'ri keladi. Mart oyida himoyachi 22 yoshga to'ladi.
“Zamin”ni Telegramʻda oʻqing!
