Turkiyaning «Antalyaspor» klubida to'p surayotgan himoyachi Georgiy Jikiya jamoada o'zini qanday his qilayotgani haqida gapirdi. 32 yoshli futbolchining so'zlari aks etgan videoni «FNL s Ilyovym» telegram-kanali tarqatdi. Bu haqda euro-football.ru xabar beradi.
Jikiyadan klubdagi ishlari qanday ketayotgani so'ralganda, u «Hammasi yaxshi, rahmat», deb javob berdi. Turkiyadagi sharoitlar ham ko'ngildagidek ekanini ta'kidlab, u barchasi joyida ekanini tabassum bilan aytdi.
Jikiya «Antalyaspor» safiga o'tgan yozda qo'shilgandi. Shu vaqt ichida u 13 ta uchrashuvda maydonga tushib, 2 ta gol urdi.
Hozir «Antalyaspor» Turkiya Superligasi turnir jadvalida 14-o'rinda bormoqda. Jamoa navbatdagi o'yinini 13 fevral kuni o'z maydonida «Samsunspor»ga qarshi o'tkazadi.
“Zamin”ni Telegramʻda oʻqing!
