Turkiyaning «Antalyaspor» klubi himoyachisi Georgiy Djikija jamoada o‘zini qanday his qilayotgani haqida fikr bildirdi. 32 yoshli futbolchining so‘zlari aks etgan videoni «FNL s Ilyovym» telegram-kanali e’lon qildi. Bu haqda euro-football.ru xabar beradi.
Jurnalistning «Klubdagi ishlaringiz qanday?» degan savoliga Djikija: «Hammasi yaxshi, rahmat», deya javob berdi. «Turkiyada hammasi ko‘ngildagidekmi?» degan savolga esa u jilmayib: «Turkiyada hammasi joyida», — dedi.
Djikija «Antalyaspor» safiga o‘tgan yozda kelib qo‘shilgan. Shundan buyon u barcha musobaqalarda 13 ta uchrashuvda maydonga tushib, 2 ta gol urdi.
Hozirda «Antalyaspor» Turkiya Superligasi turnir jadvalida 14-o‘rinda bormoqda. Jamoaning navbatdagi o‘yini 13 fevral kuni o‘z maydonida «Samsunspor»ga qarshi bo‘lib o‘tadi.
“Zamin”ni Telegramʻda oʻqing!
