Krishtianu Ronalduyning jufti Jorjina Rodriges ijtimoiy tarmoqlarda yangi surat bilan bo‘lishdi. Unda yulduz hujumchi sport zalida gantellar bilan shug‘ullanayotgani aks etgan. Bu haqda euro-football.ru xabar beradi.
Kadrda 41 yoshli futbolchining yonida qizlaridan biri ham bor: u ham qo‘lida gantel ushlagan, faqat kichikroq va pushti rangdagisini. Jorjina suratga “Dada” deya izoh qoldirgan.
Avvalroq Rodriges Ronalduyni tug‘ilgan kuni bilan tabriklagan edi. Qiziq jihati, o‘sha post futbolchining 41 yoshga to‘lganidan bir kun o‘tib e’lon qilingan.
Shu bilan birga, Ronaldu “Al-Nasr”ning so‘nggi bir nechta o‘yinlarini o‘tkazib yubordi. OAVda portugaliyalik futbolchi klub boshqaruvidan norozi bo‘lgani uchun uchrashuvlarni boykot qilayotgani haqida xabarlar tarqaldi.
“Zamin”ni Telegramʻda oʻqing!
