Jorjina Rodriges ijtimoiy tarmoqlarda Krishtianu Ronalduning navbatdagi mashg'ulotidan lavha ulashdi. Suratda yulduz hujumchi sport zalida gantel ko'tarib shug'ullanayotgani ko'rinadi. Bu haqda euro-football.ru xabar beradi.
Kadrda 41 yoshli futbolchining qizlaridan biri ham yonida turibdi: u ham gantel ushlab olgan, biroq kichik o'lchamdagi pushti rangdagisini. Rodriges suratga qisqa izoh qoldirdi: «Dada».
Avvalroq Jorjina Ronalduni tug'ilgan kuni bilan tabriklagan post ham e'lon qilgandi. Qizig'i, bu tabrik futbolchining 41 yoshga to'lganidan bir kun o'tib joylashtirilgan.
Ayni paytda Ronaldu «An-Nasr»ning so'nggi bir nechta uchrashuvida maydonga tushmadi. OAVda portugaliyalik futbolchi klub boshqaruvidan norozi bo'lgani sabab o'yinlarni boykot qilayotgani haqida xabarlar tarqalgan.
“Zamin”ni Telegramʻda oʻqing!
