Argentina grandi «Boka Xuniors» sport direktori lavozimiga Marselo Delgado tayinlanganini rasman e’lon qildi. U klub prezidenti Xuan Rikelme bilan yaqindan hamkorlikda ishlaydi. Eslatib o‘tamiz, Rikelme avvalroq «Barselona» safida ham to‘p surgan. Bu haqda euro-football.ru xabar beradi.
Klub tarkibini tezkor kuchaytirish zarurati kun tartibida turibdi. Shu bois Delgado va Rikelme dueti transferlar hamda jamoani yangilash bo‘yicha muhim qarorlar ustida ishlashi kutilmoqda.
Marselo Delgado futbolchilik faoliyatida Argentina terma jamoasiga ham jalb qilingan: 1995–2002 yillar oralig‘ida u milliy jamoa safida 18 ta o‘yin o‘tkazgan va 1998 yilgi jahon chempionatida ham maydonga tushgan.
Delgado 2003 yilda Libertadores kubogida eng yaxshi to‘purar bo‘lishga ham erishgan. U bu sovrinni «Santos» hujumchisi, braziliyalik Rikardo Oliveyra bilan birga qo‘lga kiritgan.
“Zamin”ni Telegramʻda oʻqing!
