Jikiya Turkiyadagi holati haqida qisqa izoh berdi

«Antalyaspor» himoyachisi Georgiy Jikiya turk klubidagi vaziyati borasidagi savollarga javob qaytardi. 32 yoshli futbolchining so‘zlari aks etgan video «FNL s Ilyovym» telegram-kanalida e’lon qilindi. Bu haqda euro-football.ru xabar beradi.

Jikiyadan «Antalyaspor»dagi ishlari qanday ketayotgani so‘ralganda, u hammasi joyida ekanini aytdi. Shuningdek, Turkiyadagi sharoit va muhitdan mamnunligini jilmayib tasdiqladi.

Jikiya «Antalyaspor» safiga o‘tgan yozda kelib qo‘shilgandi. Shu vaqt ichida u 13 ta uchrashuvda maydonga tushib, 2 ta gol urdi.

Hozir «Antalyaspor» Turkiya Superligasi jadvalida 14-o‘rinda bormoqda. Jamoa navbatdagi o‘yinini 13 fevral kuni o‘z maydonida «Samsunspor»ga qarshi o‘tkazadi.

«ZAMIN.UZ» muharriri