Myunxenning «Bavariya» klubi Konrad Laymer bilan yangi shartnoma bo'yicha hali kelishuvga erishgani yo'q. Avstriyalik futbolchining amaldagi bitimi 2027 yilning o'rtalarigacha mo'ljallangan, klub esa hamkorlikni uzaytirmoqda, biroq muzokaralar oson kechmayapti. Bu haqda euro-football.ru xabar beradi.
Bild xabariga ko'ra, Laymer tomoni bonuslar bilan birga yiliga 15 mln yevro maosh talab qilmoqda. «Bavariya» esa bundan pastroq taklif bermoqda. Hozirda 28 yoshli futbolchi taxminan 8–9 mln yevro atrofida daromad oladi.
Laymer Vensan Kompani jamoasidagi hozirgi o'rni va rolini inobatga olib, maoshi oshirilishiga loyiq deb hisoblaydi. 2023 yildan beri «Bavariya» safida o'ynayotgan yarim himoyachi keyinchalik o'ng qanot himoyachisi sifatida ham maydonga tushmoqda.
“Zamin”ni Telegramʻda oʻqing!
