"Pari NN" yarim himoyachisi Nikita Ermakov "Benfika" darvozaboni Anatoliy Trubinning "Real" darvozasiga kiritgan goli uni qanday hayratga solganini aytib berdi. Bu haqda euro-football.ru xabar beradi.
Eslatib o‘tamiz, Chempionlar ligasining 8-turida Trubin qo‘shimcha daqiqalarda gol urib, portugaliyaliklarning pley-offga chiqishiga katta hissa qo‘shdi.
Ermakovning so‘zlariga ko‘ra, bunday holat go‘yo kinodagidek ko‘ringan: u ilgari darvozabonning shunday vaziyatda gol urganini umuman ko‘rmaganini, bu esa o‘zi uchun ham qo‘shimcha motivatsiya bo‘lganini ta’kidladi. Uning fikrini "RB Sport" keltirdi.
Qayd etilishicha, qur’a natijalariga ko‘ra "Real" va "Benfika" Chempionlar ligasi pley-offining stykov raundida yana o‘zaro to‘qnash keladi. Dastlabki uchrashuv 17 fevral kuni Lissabonda, javob bahsi esa 25 fevral kuni Madridda bo‘lib o‘tadi.
“Zamin”ni Telegramʻda oʻqing!
