"Pari NN" yarim himoyachisi Nikita Ermakov "Benfika" posboni Anatoliy Trubinning "Real" darvozasiga kiritgan goli uni qanday taassurotga solganini aytib berdi. Bu haqda euro-football.ru xabar beradi.
Eslatib o‘tamiz, Chempionlar ligasining 8-turida Trubin qo‘shimcha daqiqalarda gol urib, portugaliyaliklarning pley-offga chiqishiga katta hissa qo‘shgandi.
Ermakovning so‘zlariga ko‘ra, bu epizod xuddi kinodagidek ko‘ringan: u bunday holatni hali hech qachon ko‘rmaganini va bu voqea o‘zi uchun ham alohida motivatsiya bo‘lganini ta’kidladi.
Qayd etilishicha, qur’a natijasiga ko‘ra "Real" va "Benfika" Chempionlar ligasi pley-offining stykovoy raundida yana o‘zaro to‘qnash keladi. Dastlabki uchrashuv 17 fevral kuni Lissabonda, javob o‘yini esa 25 fevral kuni Madridda bo‘lib o‘tadi.
“Zamin”ni Telegramʻda oʻqing!
