Rossiyalik himoyachi, hozirda «Antalyaspor» safida o'ynayotgan Georgiy Jikiyaning kelajagi borasida uning agenti Malik Arutyunov fikr bildirdi. Bu haqda euro-football.ru xabar beradi.
Agentning aytishicha, Jikiya maosh kechikayotgani tufayli norozi va shu sabab Rossiya Premyer-ligasi klublaridan tushayotgan variantlarni ko'rib chiqmoqda. Arutyunov ta'kidlashicha, to'lovlar noyabrdan beri kechikmoqda, qolgan jihatlarda esa futbolchi Turkiyadagi sharoitlardan mamnun.
32 yoshli himoyachi «Antalyaspor»ga o'tgan yozda qo'shilgandi. U turk klubi bilan ikki yillik shartnoma imzolagan.
Joriy mavsum Turkiya Superligasida Jikiya 12 ta uchrashuvda maydonga tushdi. Himoyachi 2 ta gol urdi va 3 marta sariq kartochka oldi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
