Turkiyaning Antalyaspor klubida to‘p surayotgan rossiyalik himoyachi Georgiy Djikiya kelajagi borasida yangi gap-so‘zlar paydo bo‘ldi. Futbolchining agenti Malik Arutyunov vaziyatga izoh berdi. Bu haqda euro-football.ru xabar beradi.
Agentning aytishicha, Djikiya maosh kechikayotganidan norozi va shu sabab Rossiya Premyer-ligasi klublaridan bo‘lishi mumkin bo‘lgan variantlarni ko‘rib chiqmoqda. Maosh bo‘yicha kechikish noyabr oyidan beri davom etayotgani ta’kidlandi, qolgan jihatlarda esa himoyachi Turkiyadagi sharoitdan mamnun.
32 yoshli futbolchi Antalyaspor safiga o‘tgan yozda qo‘shilgandi. U turk klubi bilan ikki yillik shartnoma imzolagan.
Joriy mavsum Turkiya Superligasida Djikiya 12 ta uchrashuvda maydonga tushdi. Himoyachi 2 ta gol urdi va 3 marta sariq kartochka oldi.
“Zamin”ni Telegramʻda oʻqing!
