Джикиядан норозилик «Антальяспор»ни тарк этиши мумкин

Туркиянинг «Антальяспор» клубида тўп сураётган россиялик ҳимоячи Георгий Джикия келажаги борасида янги гап-сўзлар пайдо бўлди. Футболчининг агенти Малик Арутюнов вазиятга изоҳ берди. Бу ҳақда euro-football.ru хабар беради.

Агентнинг айтишича, Джикия маош кечикаётганидан норози ва шу сабаб Россия Премьер-лигаси клубларидан бўлиши мумкин бўлган вариантларни кўриб чиқмоқда. Маош бўйича кечикиш ноябр ойидан бери давом этаётгани таъкидланди, қолган жиҳатларда эса ҳимоячи Туркиядаги шароитдан мамнун.

32 ёшли футболчи «Антальяспор» сафига ўтган ёзда қўшилганди. У турк клуби билан икки йиллик шартнома имзолаган.

Жорий мавсум Туркия Суперлигасида Джикия 12 та учрашувда майдонга тушди. Ҳимоячи 2 та гол урди ва 3 марта сариқ карточка олди.

«ZAMIN.UZ» муҳаррири