Rossiya terma jamoasining yaqinlashib kelayotgan o‘rtoqlik uchrashuvlari bo‘yicha rejasi ma’lum bo‘ldi. Bu haqda euro-football.ru xabar beradi.
«RB Sport» xabariga ko‘ra, mart oyida Valeriy Karpin boshchiligidagi jamoa Rossiyada ikkita nazorat bahsini o‘tkazadi. Raqiblar Afrika va Lotin Amerikasidan bo‘lib, FIFA reytingida kuchli 100 talikdan joy olgan terma jamoalar bo‘lishi kutilmoqda.
Shuningdek, rossiyaliklar iyun oyida ham yana ikki o‘rtoqlik uchrashuvini rejalashtirmoqda va bu o‘yinlar ham o‘z maydonida bo‘lib o‘tadi. Logistika hamda viza masalalaridagi qiyinchiliklar sabab jamoa AQSh, Kanada yoki Meksikaga uchmaslikka qaror qilgan — u yerda JCh–2026 ishtirokchilari bilan turnir boshlanishidan bir necha hafta oldin o‘ynash imkoniyati bor edi.
Eslatib o‘tamiz, noyabr oyida Rossiya terma jamoasi uyda Peruni 1:1 hisobida durang o‘ynagan, Chiliga esa 0:2 hisobida yutqazgan edi.
“Zamin”ni Telegramʻda oʻqing!
