Turkiyada quyi darajadagi yarim havaskor ligalardan birida maydondagi mojaro noodatiy ko'rinish oldi: hakam golni bekor qilganidan keyin unga tribunadan elektr samokat uloqtirildi. Bu haqda euro-football.ru xabar beradi.
Transport vositasi hakamga borib tegdi va videolavhalardan kelib chiqib aytganda, unga jarohat yetkazgan. Internetda tez tarqalib ketgan yozuv voqeaning qanchalik keskin bo'lganini ko'rsatmoqda.
Hodisa «Darendespоr» va «Hekimhan» jamoalari o'rtasidagi uchrashuvda yuz berdi. Hisob 1:1 bo'lib turgan pallada, 87-daqiqada bahsli epizod yuzaga kelgan.
Yon hakam Hakan Baskur vaziyatni qoidabuzarlik bilan urilgan gol, deb baholadi va to'pni hisobga olmadi. Shundan so'ng ayrim bezori muxlislar darhol tajovuzkor harakatga o'tib, samokatni maydonga tomon uloqtirishdi.
“Zamin”ni Telegramʻda oʻqing!
