Rossiya futboli sobiq yulduzi Aleksandr Mostovoy mart oyida Rossiya va Mali terma jamoalari o‘rtasida bo‘lishi mumkin bo‘lgan o‘rtoqlik uchrashuvi haqida fikr bildirdi. Bu haqda euro-football.ru xabar beradi.
Rossiya futbol ittifoqi hozircha Mali bilan o‘yin rasman e’lon qilmagan. Biroq Mali federatsiyasi vakillari kelishuv borligini aytgan. Manbalarga ko‘ra, uchrashuv 27 mart, juma kuni Krasnodarda o‘tkazilishi kutilmoqda.
Mostovoy raqiblar saviyasi oshib borayotganini ijobiy holat sifatida ta’kidladi: “Yaxshi, raqiblar kuchaymoqda: Nigeriya, Peru, Chili, endi Mali. Xulosa chiqarishga shoshilmaslik kerak, asosiy futbolchilardan kimlar kelishini ko‘rish lozim. Eng muhimi, endi savdo markazlari bilan o‘ynamayapmiz”, — deya uning so‘zlarini “Sport-Ekspress” keltiradi.
Rossiya terma jamoasi avvalgi yig‘inni noyabrda o‘tkazgan edi. O‘shanda Valeriy Karpin jamoasi Peru bilan 1:1 hisobida durang o‘ynab, Chiliga 0:2 hisobida yutqazgan. Sanksiyalar sabab Rossiya terma jamoasi hozircha rasmiy xalqaro turnirlarda qatnashmayapti.
“Zamin”ni Telegramʻda oʻqing!
