Peterburgning «Zenit» klubida to‘p surgan sobiq yarim himoyachi, hozirda futbol mutaxassisi sifatida faoliyat yuritayotgan Vladislav Radimov Italiya futbolining bugungi ahvoli haqida fikr bildirdi. Bu haqda euro-football.ru xabar beradi.
U «Match TV» efirida Italiya futboli inqirozga yuz tutganini ta’kidladi. Radimovga ko‘ra, klublar legionerlar hisobiga ma’lum darajada natija ko‘rsatayotgan bo‘lsa-da, terma jamoa darajasi yetarlicha yuqori emas va jamoa Jahon chempionatiga bormaslik xavfi ostida.
Eslatib o‘tamiz, Italiya terma jamoasi 2026 yilgi Jahon chempionatiga to‘g‘ridan-to‘g‘ri yo‘llanma ola olmadi. Jamoa Jyenarro Gattuzo boshchiligida pley-off o‘yinlarida qatnashadi.
2026 yilgi mundial yoz oylarida Shimoliy Amerikada bo‘lib o‘tadi. Nufuzli turnirni bir vaqtning o‘zida uch davlat — AQSH, Kanada va Meksika qabul qiladi.
“Zamin”ni Telegramʻda oʻqing!
