Denis Makarovning manfaatlarini himoya qiluvchi agent Aleksey Babir futbolchining hozirgi holati haqida ma'lumot berdi. Bu haqda euro-football.ru xabar beradi.
Eslatib o'tamiz, Moskvaning «Dinamo» klubidan Turkiyaning «Kayserispor» jamoasiga o'tgan hujumchi yaqinda yengil jarohat olgandi.
Agentning so'zlariga ko'ra, Makarov to'liq tiklangan va haftaning barchasida jamoa bilan umumiy mashg'ulotlarda to'liq qatnashmoqda. Shuningdek, u jamoaga moslashib ulgurgani, sharoit va muhit yoqayotgani, faqat o'sha kichik jarohat ishini biroz ortga surgani ta'kidlandi. Babirning fikricha, jarohat bo'lmaganida Denis allaqachon ilk daqiqalardan maydonga tushgan bo'lardi.
Makarov Turkiyada hozircha bitta uchrashuvda maydonga tushib, 30 daqiqa harakat qildi.
Yakshanba kuni «Kayserispor» Turkiya chempionati 23-turi doirasida «Antalyaspor»ga qarshi bahs o'tkazadi.
“Zamin”ni Telegramʻda oʻqing!
