«Al-Hilol»ning fransuz hujumchisi Karim Benzema yaqinda o‘tkazilgan uchrashuvning tanaffusida jamoa murabbiyi bilan tortishib qolgani aytilmoqda. Bu haqda Ball Zone xabar berdi. Bu haqda euro-football.ru xabar beradi.
Manbaga ko‘ra, Benzemaning klubga kelishi «Al-Hilol» kiyinish xonasida taranglikni kuchaytirgan. Hatto ayrim futbolchilar fransuz forvard bilan shartnoma imzolangani borasidagi qarordan afsuslanayotgani ham qayd etilmoqda.
Eslatib o‘tamiz, 38 yoshli Benzema qishki transfer oynasida «Al-Ittihod»dan «Al-Hilol»ga o‘tib, 1,5 mavsumga mo‘ljallangan bitim tuzgandi. U yangi jamoasi safida uchta o‘yinda maydonga tushib, 3 ta gol urdi va 1 ta golli uzatma berdi.
So‘nggi turda «Al-Hilol» «Al-Ittihod» bilan 1:1 hisobida durang o‘ynadi va Pro-liga turnir jadvalida ikkinchi o‘ringa tushib qoldi.
“Zamin”ni Telegramʻda oʻqing!
