Fevral o'rtalarida Manuel Noyer jarohat olib, «Bavariya» safidan taxminan uch haftaga chetda qolishi aytilgandi. Biroq tajribali darvozabon kutilganidan erta safga qaytishi ehtimoli paydo bo'ldi. Bu haqda euro-football.ru xabar beradi.
Bild xabariga ko'ra, dushanba kuni Noyer maydonda darvozabonlar murabbiyi va reabilitatsiya bo'yicha mutaxassis bilan birga mashg'ulot o'tkazdi. Hozircha murakkab yuklamalar berilmagan, ammo u to'p bilan ishlagani tiklanish jarayoni ijobiy ketayotganidan darak beradi.
Germaniyada Noyer allaqachon Dortmundning «Borussiya»siga qarshi bahsda maydonga tushib, ko'pchilikni hayratda qoldirishi mumkinligi haqida gap-so'zlar yuribdi. Jamoalar 28-fevral, shanba kuni to'qnash keladi.
«Bavariya» Bundesligada peshqadamlik qilmoqda, ikkinchi o'rindagi «Borussiya» esa undan sakkiz ochkoga ortda bormoqda.
“Zamin”ni Telegramʻda oʻqing!
