Milanning "Inter" klubi hujumchi Markus Tyuram borasida keladigan takliflarni ko'rib chiqishga tayyor. Bu haqda euro-football.ru xabar beradi.
Jurnalist Nikolo Skira xabariga ko'ra, "neradzurrilar" rahbariyatining fransuz futbolchining kelajagiga oid pozitsiyasi o'zgargan: Tyuram endi "sotilmaydigan" futbolchi sifatida ko'rilmayapti. Shu sababli u yaqin yozning o'zidayoq jamoani tark etishi ehtimoldan xoli emas.
Transfermarkt portali 28 yoshli hujumchini 60 mln yevroga baholamoqda. Tyuramning "Inter" bilan shartnomasi 2028 yilgacha amal qiladi, avvalroq esa u Angliya Premyer-ligasidagi klublardan biriga o'tishi mumkinligi haqida mish-mishlar tarqalgan edi.
Joriy mavsumda Markus Tyuram 32 ta uchrashuvda 12 ta gol urdi va 5 ta golli uzatma amalga oshirdi.
“Zamin”ni Telegramʻda oʻqing!
