Миланнинг «Интер» клуби ҳужумчи Маркус Тюрам борасида келадиган таклифларни кўриб чиқишга тайёр. Бу ҳақда euro-football.ru хабар беради.
Журналист Николо Скира хабарига кўра, «нерадзуррилар» раҳбариятининг француз футболчининг келажагига оид позицияси ўзгарган: Тюрам энди «сотилмайдиган» футболчи сифатида кўрилмаяпти. Шу сабабли у яқин ёзнинг ўзидаёқ жамоани тарк этиши эҳтимолдан холи эмас.
Transfermarkt портали 28 ёшли ҳужумчини 60 млн еврога баҳоламоқда. Тюрамнинг «Интер» билан шартномаси 2028 йилгача амал қилади, аввалроқ эса у Англия Премьер-лигасидаги клублардан бирига ўтиши мумкинлиги ҳақида миш-мишлар тарқалган эди.
Жорий мавсумда Маркус Тюрам 32 та учрашувда 12 та гол урди ва 5 та голли узатма амалга оширди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
