"Antalyaspor" himoyachisi Georgiy Jikiyaning Turkiyadagi vakili Malik Arutyunov rossiyalik futbolchining so'nggi paytlarda maydonda ko'rinmayotganiga jarohati sabab bo'lganini aytdi. Bu haqda euro-football.ru xabar beradi.
Agentning ta'kidlashicha, Jikiya hozir to'liq tiklangan va jamoaga yaqinda tayinlangan bosh murabbiy ham unga ishonch bildirmoqda.
Arutyunov "Chempionat"ga bergan izohida, Jikiya "Fenerbahche"ga qarshi uchrashuvda asosiy tarkibda maydonga tushishi mumkinligini bildirdi. Uning so'zlariga ko'ra, klubda allaqachon uchinchi murabbiy almashgan va har birining o'z qarashi bor, futbolchining o'ynamagani esa aynan jarohat oqibati.
2025/2026 yilgi mavsumda Jikiya Turkiya chempionati va kubogida jami 13 uchrashuvda qatnashib, ikki gol urdi.
“Zamin”ni Telegramʻda oʻqing!
