"Антальяспор" ҳимоячиси Георгий Жикиянинг Туркиядаги вакили Малик Арутюнов россиялик футболчининг сўнгги пайтларда майдонда кўринмаётганига жароҳати сабаб бўлганини айтди. Бу ҳақда euro-football.ru хабар беради.
Агентнинг таъкидлашича, Жикия ҳозир тўлиқ тикланган ва жамоага яқинда тайинланган бош мураббий ҳам унга ишонч билдирмоқда.
Арутюнов "Чемпионат"га берган изоҳида, Жикия "Фенербахче"га қарши учрашувда асосий таркибда майдонга тушиши мумкинлигини билдирди. Унинг сўзларига кўра, клубда аллақачон учинчи мураббий алмашган ва ҳар бирининг ўз қараши бор, футболчининг ўйнамагани эса айнан жароҳат оқибати.
2025/2026 йилги мавсумда Жикия Туркия чемпионати ва кубогида жами 13 учрашувда қатнашиб, икки гол урди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
