Osiyo Chempionlar ligasida yetti turdan so'ng «Shanhay Shenhxua» pley-offga chiqish imkoniyatini boy berdi. 8-turda «Buriram Yunayted»ga qarshi bahs Leonid Slutskij jamoasi uchun musobaqa bilan xayrlashish oldidan obro'li yakun qilish imkoniyati edi, biroq buni uddalay olmadi. Bu haqda euro-football.ru xabar beradi.
Tailand klubi uchrashuvni 2:0 hisobida o'z foydasiga hal qildi. «Buriram Yunayted» birinchi bo'limning ilk daqiqalarida ketma-ket ikki marta raqib darvozasini ishg'ol qildi — 11-daqiqada Gud Kertis, 22-daqiqada esa Suphanat Mueanta gol urdi. Tez orada «Shanhay Shenhxua» bir futbolchisi maydondan chetlatilib, son jihatdan kam qoldi va bu o'yindagi intriga deyarli so'ndi.
Ma'lumot uchun, Leonid Slutskij «Shanhay Shenhxua» bilan amaldagi shartnomasiga ko'ra 2027 yil oxirigacha klubda ishlashi belgilangan.
“Zamin”ni Telegramʻda oʻqing!
