Marselo Galyardo murabbiy sifatidagi so'nggi uchrashuvini "Banfild"ga qarshi o'yinda o'tkazdi. Unda "River" 3:1 hisobida g'alaba qozonib, ketma-ket uchta mag'lubiyatdan iborat omadsiz seriyasiga nuqta qo'ydi. Bu haqda euro-football.ru xabar beradi.
Qayd etilishicha, aynan o'sha muvaffaqiyatsiz seriya Galyardoning lavozimini saqlab qolishiga to'siq bo'ldi. Shunga qaramay, klub unga chiroyli tarzda xayrlashish imkonini berdi va murabbiy bu lahzani juda hissiyotli tarzda yakunladi.
O'yindan keyingi nutqida Galyardo ko'z yoshlarini yashirmadi: "Hammaga shunchaki rahmat. Sizlarning mehringizni so'z bilan to'liq ifodalash qiyin. Men abadiy ketmayapman. "River"dan hech kim abadiy ketmaydi. Bu sehrli maskan: ketsang ham, baribir klub bilan birga qolasan", dedi u.
Eslatib o'tamiz, Galyardo 1990-yillarda "River" safida ham, Argentina terma jamoasida ham to'p surgan.
“Zamin”ni Telegramʻda oʻqing!
