Osiyo Chempionlar ligasida yetti turdan keyin pley-off umidlari so'ngan «Shanghai Shenhua» 8-turda «Buriram United»ga qarshi faqatgina turnir bilan munosib xayrlashishga urinib ko'rdi. Biroq Leonid Slutskiy jamoasi bu vazifani ham uddalay olmadi. Bu haqda euro-football.ru xabar beradi.
Uchrashuvda Tailand klubi 2:0 hisobida zafar quchdi. «Buriram United» ilk taymning avvalidayoq ikki bor gol urib, raqibni og'ir ahvolga solib qo'ydi: 11-daqiqada Gud Kertis hisobni ochdi, 22-daqiqada esa Suphanat Mueanta ustunlikni mustahkamladi.
Ko'p o'tmay «Shanghai Shenhua» maydonda bir kishi kam bo'lib qoldi va bu vaziyat o'yin intrigasini deyarli yo'q qildi. Natijada xitoyliklar hisobni o'zgartira olmadi va turnirdagi navbatdagi muvaffaqiyatsizlikni qayd etdi.
Ma'lumot uchun, Leonid Slutskiyning «Shanghai Shenhua» bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
