Bundesliganing 24-turida turnir jadvalida yonma-yon turgan «Ayntraxt» va «Frayburg» o'zaro to'qnash keldi. Frankfurt klubi o'z maydonida o'yin tashabbusini qo'lga oldi, biroq birinchi bo'limda uzoq vaqt hisobni ocholmay qiynaldi. Bu haqda euro-football.ru xabar beradi.
29-daqiqada Arno Myuinga xavfli zarba yo'lladi, darvozabon esa jamoasini gol o'tkazib yuborishdan asrab qoldi. Tanaffus oldidan Igor Matanovichning bosh bilan yo'llagan zarbasi ustunga tegib qaytdi.
Ikkinchi bo'limda ham mezbonlar bosimni kuchaytirdi: Vinchenzo Grifoning zarbasiga darvozabon ajoyib seyv bilan javob berdi. 64-daqiqada Nnamdi Kollinz jarima maydonida Fares Shaibiga pas uzatdi va yarim himoyachi hisobni ochdi — 1:0.
Uchrashuv so'ngida Shaibi yana bir hujumni o'tkirlashtirdi, Jan Matteo Baoyya esa darvozabon ustidan chiroyli tarzda oshirib tepib, yakuniy hisobni o'rnatdi — 2:0.
Ushbu g'alabadan so'ng «Ayntraxt» «Frayburg»ni ortda qoldirib, turnir jadvalida 7-o'ringa ko'tarildi.
“Zamin”ni Telegramʻda oʻqing!
