12:45 / 23.11.2015
5 503

O‘zbekistonlik ikki dzyudochi Xitoydagi Gran-Pri turnirida bronza medalini qo‘lga kiritdi

O‘zbekistonlik ikki dzyudochi Xitoydagi Gran-Pri turnirida bronza medalini qo‘lga kiritdi

Xitoyning Sindao shahrida dzyudo kurashi bo‘yicha o‘tkazilgan Gran-Pri turkumiga kiruvchi yirik xalqaro turnirda ikki nafar o‘zbekistonlik sportchi Sharofiddin Lutfullaev (-60 kg) va Mirali Sharipov (-73 kg) bronza medaliga sazovor bo‘ldi. Bu haqda O‘zbekiston Milliy olimpiya qo‘mitasi matbuot xizmati xabar bermoqda.

Sharofiddin Lutfullaev saralash bahslarida Xitoy va Kanada terma jamoasi a’zolarini mag‘lub etib, Gollandiya vakiliga imkoniyatni boy berdi. Shundan so‘ng bronza medali uchun bellashuvlarda Mo‘g‘uliston hamda Qozog‘iston terma jamoasi a’zolarini mag‘lub etib, uchinchi o‘rinni egalladi.

Mirali Sharipov esa saralash bahslarida Kuba va BAA vakillarini engib, belgiyalik polvonga imkoniyatni boy berdi. Uchinchi o‘rin uchun bahslarni davom ettirgan Mirali dastlab Qozog‘iston terma jamoasi a’zosini, bronza medali uchun kechgan bellashuvda esa jamoadosh do‘sti G‘iyosjon Boboyevni mag‘lub etdi.

Shu tariqa, ikkita bronza medaliga sazovor bo‘lgan O‘zbekiston terma jamoasi 59 davlat vakillari orasida 14-o‘rinni egalladi. Musobaqada Yaponiya dzyudo ustalari birinchi (5 oltin, 1 kumush, 3 bronza), Mo‘g‘uliston vakillari ikkinchi (2-2-2), Ozarbayjon terma jamoasi uchinchi o‘rinni band etdi (2-1-3).


Manba: Daryo.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » O‘zbekistonlik ikki dzyudochi Xitoydagi Gran-Pri turnirida bronza medalini qo‘lga kiritdi
[/banner_pushhouse