Kunni bir chashka qahva bilan boshlashni yoqtirasizmi? Ish kuni davomida yana bir yoki ikki stakan qahva kayfiyatni ko‘taradimi? Kechqurun do‘stlar bilan bir stakan latte ustida suhbatlashishga nima deysiz? Ammo bu sevimli ichimlik inson salomatligiga qanday ta’sir qiladi? Fan allaqachon hamma narsani isbotladi, deb yozadi «Noviy ochag».
Qancha qahva ichish kerak?
Bu borada olimlar hali bir fikrga kelmagan va turli tadqiqot mualliflari har xil raqamlarni beradi — kuniga ikkitadan olti chashkagacha. Ko‘p jismoniy faoliyat bilan shug‘ullanadiganlar ham kofeinni yetarli miqdorda ichishi mumkin emas. Bu salomatlik uchun jiddiy xavf tug‘diradi.
Qahva organizmni suvsizlantiradimi?
Qahva tan olingan va juda samarali diuretik (peshob haydovchi) ekaniga qaramay, uni muntazam ravishda ichish jiddiy zarar keltirmaydi va organizmdagi tabiiy suyuqlik muvozanatini buzmaydi. Bundan tashqari, yaqinda o‘tkazilgan tadqiqotlar shuni tasdiqladiki, kuniga ikki-uch chashka qahva har kuni ichish kerak bo‘ladigan ikki litr suyuqlikka to‘g‘ri keladi.
Qahva vazn kamaytirishga yordam beradimi?
Ha, agar u shakarsiz, sutsiz, qaymoqsiz ichilsa. Nonushtani bir piyola qahva bilan yakunlagan ma’qul – ichimlik tarkibidagi kofein qisqa muddatli metabolizm tezligini oshiradi va natijada olingan kaloriyalar yog‘ga emas, balki energiyaga aylanadi.
Qahva saratonga olib kelishi mumkinmi?
Yo‘q, hammasi aksincha, qahva tarkibidagi antioksidantlar hujayralarni shikastlanishdan himoya qiladi va ularni yanada chidamli qiladi. Amerika Saraton tadqiqotlari instituti mutaxassislari hatto qahvani saraton xavfini kamaytirishga yordam beradigan oziq-ovqatlar ro‘yxatiga kiritdi. Qahva iste’mol qilish teri, ko‘krak, prostata saratoni va melanoma xavfini kamaytirish bilan bog‘liq.
Qahva yurak va qon tomirlar uchun xavflimi?
Yo‘q, aslida qahva tomirlar tiqilib qolishining oldini olishga yordam beradi. Qahva haqiqatan ham qon bosimining qisqa muddatli oshishiga olib kelishi mumkin bo‘lsa-da, bu ta’sir uzoq davom etmaydi, shuning uchun ham yurak va qon tomirlarining sog‘lig‘iga salbiy ta’sir ko‘rsatmaydi. Shifokorlar qon bosimi yuqori bo‘lgan odamlarga qahva ichishdan ehtiyot bo‘lishni va o‘zini yomon his qilsa, ichmaslikni maslahat beradi, ammo bu ichimlikdan butunlay voz kechish shart emas.
Qahva qondagi xolesterin darajasini oshiradimi?
Ha, qahvalarda mavjud bo‘lgan birikmalardan biri — kafestol yomon LDL xolesterin darajasini oshirishi mumkin. Ammo xavfdan xalos bo‘lishning oson yo‘li bor — uni tayyorlashda qog‘oz filtrdan foydalanish tavsiya etiladi. Agar xolesterin miqdori normal bo‘lsa, tashvishlanmasdan doimgidek qahva ichish mumkin. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
