БМТ Бош Ассамблеяси ташкилот бош котиблиги лавозимига португалиялик Антоние Гутерриш номзодини тасдиқлади.
13 октябрь куни Хавфсизлик Кенгаши тавсиясига кўра овоз беришларсиз БМТнинг қочоқлар ишлари бўйича Олий комиссари португалиялик Антониу Гутерришни 2017 йил 1 январдан 2021 йил 31 декабргача муддатга БМТ бош котиби этиб тайинлади. Бу ҳақда БМТ Янгиликлар маркази хабар қилди.
Мазкур масалага бағишланган ялпи йиғилишда Хавфсизлик кенгаши раиси, Россия Федерациясининг БМТдаги доимий вакили Хавфсизлик кенгаши тавсиясини ўқиб эшиттирди.
Унинг ортидан Бош Ассамблеянинг 71-сессияси раиси минтақавий гуруҳлар координаторлари номидан янги бош котибни тайинлаш тўғрисидаги резолюцияни ўқиб эшиттирди. Уни овоз беришгача кўтариб чиқиш истагида бўлганлар топилмади ва Антониу Гутерриш аккламация йўли билан БМТнинг янги бош котиби этиб тайинланди.
Амалдаги бош котиб Пан Ги Мун, мезбон мамлакат сифатида АҚШ вакили ҳамда беш минтақавий гуруҳ раислари сўзга чиқди.
Антониу Гутерриш 2005 йил июндан 2015 йил декабригача қочоқлар ишлари бўйича БМТ Олий комиссари лавозимида фаолият кўрсатган.
Антониу Гутерриш 1949 йил 30 апрелда Лиссабонда таваллуд топган.Олий техника институтида муҳандислик ишини ўрганган ҳамда ОТМда ўқитувчилик билан шуғулланган. 1995 йил Португалия бош вазири лавозимини эгаллаган.
Эслатиб ўтамиз, Пан Ги Мун ганалик Кофи Аннандан сўнг мазкур мансабни эгаллаган. Ундан аввал эса Бутрос Бутрос-Ғолий (1992−1996), Хавьер Перес де Куэльяр (1982−1991), Курт Вальдхайм (1972−1981), У Тан (1961−1971), Даг Хаммаршельд (1953−1961) ва Трюгве Ли (1946−1952) БМТ бош котиби бўлган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Диний қўмита Умра зиёратини ташкил қилиш учун 12 та турфирмага лицензия берди
Путин Украинадаги объектга баллистик ракета зарбаси берилганини эълон қилди
