Германия чемпионати доирасида бўлиб ўтган ўйинда Дортмунднинг "Боруссия" жамоаси "Кёльн" устидан 1:0 ҳисобида минимал ғалабага эришди. Ҳал қилувчи гол "асаларилар" томонидан қўшиб берилган вақтда киритилди.
Дортмунд жамоаси бош мураббийи Нико Ковач ўйиндан кейинги таассуротлари билан бўлишди. "Бу ўйинда содир бўлган воқеалар ҳақиқатан ҳам ақл бовар қилмас эди.
Рақиб ажойиб футбол кўрсатди ва қарши ҳужумларда хавфли ўйин намойиш этди. Биз эса яхши ҳимояландик ва "Кёльн"нинг ҳаракатларини чеклашга муваффақ бўлдик.
Айнан шу нарсани мен жамоамдан кутгандим", - деди мутахассис Бундеслига матбуот хизматига берган интервьюсида. Саккиз турдан кейин Дортмунднинг "Боруссия" жамоаси 17 очко тўплаб, Германия чемпионати турнир жадвалида учинчи ўринда бормоқда.
