«Эл Класико»дан сўнг майдонда тортишув чиқди
«Реал Мадрид» «Барселона»ни 2:1 ҳисобида мағлуб этиб, Ла Лигада 27 очко билан пешқадамлигини сақлаб қолди. Ўйин якунлангач, «Барселона» вингери Рафиня ва «Реал» ҳужумчиси Винисиус Жуниор ўртасида майдон марказида тортишув юз берди. Судялар ва мураббийлар аралашуви билан вазият тинчлантирилди. «Барселона» 22 очко билан иккинчи ўринда қолмоқда.
Испания Ла Лигасининг 10-туридан ўрин олган «Реал Мадрид» — «Барселона» учрашуви яна тарихий руҳда ўтди. Аммо ғалаба билан якунланган баҳс сўнгги ҳуштаги билан эмас, футболчилар ўртасидаги тортишув билан ёдда қолди.
«Сантьяго Бернабеу»да бўлиб ўтган ўйинда «қаймоқранглилар» 2:1 ҳисобида зафар қозонди. Лекин финал ҳуштагидан кейин майдон марказида кескин баҳс келиб чиқди. «Барселона»нинг вингери Рафинья ва «Реал» ҳужумчиси Винисиус Жуниор ўртасида тортишув бошланиб, вазият тезда кескинлашган.
Гувоҳлар маълумотича, Винисиуснинг рақибга нисбатан қилган ишоралари жанжални қўзғатган. Судьялар ва ҳар икки жамоа мураббийлари аралашганидан кейин ҳолат тинчлантирилган.
Натижада «Реал» 27 очко билан чемпионатда пешқадамлигини сақлаб қолди, «Барселона» эса 22 очко билан иккинчи ўринда қолмоқда. “Эл Класико” атрофидаги тортишув Испания ОАВларида ҳануз муҳокама қилиняпти.
Изоҳлар 0
…