Ўзбекистоннинг Украинадаги элчихонаси оғир шароитларда қолган 19 нафар ҳамюртимизни ватанига қайтаришга муваффақ бўлди, деб хабар бермоқда “Дунё” ахборот агентлиги. Ўзбекистон фуқаролари Киев вилоятидаги иссиқхоналардан бирида мажбурий ишлашга ундалган.
Уларнинг қайтарилишига Киев ва Молдовадаги Халқаро миграция ташкилоти ёрдам кўрсатди. Агентлик маълумотларига кўра, 28-октябрь куни ҳамюртимиз Киевдан Кишинёвга автотранспорт воситаларида олиб келинган.
У ерда улар хавфсиз яшаш шароитлари, озиқ-овқат ва зарур ёрдам билан таъминланган. 3-ноябрь, душанба куни эса улар муваффақиятли равишда ватанига қайтарилди.
19 нафар ўзбекистонликнинг барчаси “жабрланувчи” деб тан олинди, бу эса уларга нисбатан Украина қонунчилиги бўйича санкциялар қўлланмаслигини таъминлади.
