Чикагода заңсыз мигранттарды жаппай қамауға алу басталды

АҚШ-тың Чикаго қаласында федералды агенттер құжатсыз мигранттарды жаппай тұтқындау тәжірибесін бастады. Бұл туралы ABC 7 телеарнасы хабарлады.

Мәліметтерге қарағанда, қаруланған кеден және шекара күзеті агенттері қала орталығында орналасқан және көптеген тұтқындау жұмыстарын жүргізуде.

Иллинойс губернаторы Джей Притскер құқық қорғау органдарының әрекеттерін қатаң сынға алды. Оның айтуынша, бұл тәжірибе қоғамда қорқыныш тудырып, бизнес ортаға кері әсерін тигізеді.

Чикаго мэрі Брэндон Джонсон жағдайды "қаланы әскерилендіру және тұрғындар арасында үрей тарату" деп бағалады. Ол Чикаго тұрғындарын АҚШ Конституциясында кепілдендірілген құқықтарын ұмытпауға шақырды.