Қытайдағы шоуда салют орнына дрондардың бөлшектері көрермендерге түсті (видео)

Осы жылдың 2 қазан күні Қытайдың Хунань провинциясындағы Лоян қаласында өткен дрондар шоуы қарапайым мерекелік салюттан өзгеше түрде көрермендер үшін нағыз қасірет сахнасына айналды. Шоу барысында аспанға жіберілген түрлі-түсті дрондар бақылаудан шығып, олардың жанып кеткен сынықтары көрермендердің үстіне және маңайдағы ағаштарға түсе бастады. Бұл қысқа уақыт ішінде ұшқындардан орман өртіне алып келді. Бұл туралы NTDTV хабарлады.

Интернетте таралған бейнежазбаларда қорқынышты көрініс анық байқалады. Жанып жатқан бөлшектер адамдардың арасына түсуі нәтижесінде алаңдататын жағдай орын алды және төбенің жанында өрт пайда болды. Кадрларда адамдардың үрейлі айқайлары, шу мен тәртіпсіздік көрінеді.

Сонымен қатар, ресми орындар оқиғаның салдарын жасыруға тырысқан. Шоу өткізілген бақ әкімшілігі өртті «маңызды емес» деп мәлімдеп, оны тез арада сөндірілгенін айтқан. Аудан әкімдігі де ешкім зардап шекпегенін және оқиға келесі қойылымдарға әсер етпейтінін хабарлаған. Алайда оқиға куәгерлері көріністі бұдан өзгеше сипаттаған.

Шоуды көру үшін алыс жол жүрген туристер әлеуметтік желілерде өз әсерлерімен және қорқынышты оқиғаны бөліскен. «Лоянға сапар шектім, сол жерде өзім болдым. Орман өрті өте күшті болды! Бірнеше секунд ішінде кішкентай ұшқындар қорқынышты жалынға айналды», — деп көрермендердің бірі өз сезімін білдірген.

Бұл оқиға дрон шоуларының қауіпсіздігін тағы да назарға алып келді және көрермендердің қауіпсіздігін қамтамасыз етуде қатаң шаралардың қажеттігін көрсетті.