Польша Ұлттық қауіпсіздік бюросының басшысы Славомир Сэнскевич ел Ресеймен киберкеңістікте шынайы соғыс жағдайында екенін мойындады. Бұл туралы Financial Times басылымы хабарлады.
Оның айтуынша, бұл енді қарапайым қауіп емес, ашықтан-ашық "киберфронттағы" қақтығыс. Сэнскевичтің пікірінше, Ресей Еуроодақ елдерінде криптовалюталар арқылы қаржыландырылатын агенттер желісін құрған.
Ведомство басшысының айтуынша, бұл желі Еуропаның қауіпсіздік инфрақұрылымдарына "гибридтік шабуылдар" ұйымдастырып жатыр. Бұл шабуылдар дрондар арқылы әуе кеңістігін бұзудан бастап, маңызды инфрақұрылымды істен шығаруға бағытталған қатерлерге дейін жетуде.
Сэнскьевич сондай-ақ НАТО Польша үшін ең маңызды және сенімді әскери одақ болып қала беретінін ерекше атап өтті. "Польша НАТО-ға сүйенеді және бұл байланысты нығайтуды жалғастырады," - деді ол.
Сарапшылардың пікірінше, бұл мәлімдеме Ресеймен қарым-қатынастағы шиеленісті одан әрі күшейтуі мүмкін. Еуропалық Одақ осыған байланысты қосымша шараларды талқылап жатыр.
“Zamin”-ді Telegram-нан оқыңыз!
