«Балық қарма» ресми түрде Қарақалпақстанның ұлттық брендіне айналды

Қарақалпақстанның ұлттық тағамдарының ішінде ерекше орын алатын «Балық қарма» енді ресми түрде патенттелді. Әділет министрлігінің мәліметінше, бұл тағам географиялық көрсеткіш ретінде мемлекеттік тізілімге енгізілді.

Бұл шешім арқылы «Балық қарма» атауы мен оның дәстүрлі дайындалу тәсілі заңды тұрғыда қорғалатын болды. Сонымен қатар, сапа стандарттары нығайтылып, Қарақалпақстанның гастрономиялық брендині кеңінен насихаттау мүмкіндігі артады.

Аталған тағам Арал теңізі мен Әмудария атырабы маңындағы ежелгі балықшылық дәстүрлеріне негізделген. Оның дайындалу әдісі де ерекше: құрамына пісірілген балық, сорпа, ұсақ туралған көкөністер және 1×1 немесе 2×2 сантиметр көлеміндегі кептірілген қамыр бөлшектері кіреді. Сорпаның бетінен алынған майды туралған пияздың үстіне құйып, тағамға ерекше дәм мен иіс береді.

Мамандардың айтуынша, географиялық көрсеткіш — өнімнің белгілі бір аймақпен байланысын, оның сапасы мен танымалдығын бейнелейтін зияткерлік меншік нысаны болып табылады.

Осылайша, «Балық қарма» тек ұлттық тағам ғана емес, сонымен қатар Қарақалпақстанның мәдени және гастрономиялық мұрасын танытатын брендке айналды.