Трамп: "Тоғызыншы жанжалды аяқтауға жақынмын"

АҚШ президенті Дональд Трамп кезекті саяси мәлімдемесінде әлемдегі кезекті қақтығыстардың бірін шешу жақын екенін мәлімдеді.

Ақ үйде республикашыл сенаторлармен кездесуде сөз сөйлеген Трамп президенттік қызметі барысында сегіз халықаралық дағдарысты еңсергенін, ал қазір тоғызыншысы аяқталуға жақын тұрғанын айтты.

"Сенсеңіз де, сенбесеңіз де, тоғызыншы жанжал бойынша шешім жақын. Украинадағы соғыстың аяқталуы да енді байқалады," - деді АҚШ басшысы.

Оның айтуынша, Вашингтонның сыртқы саясаттағы жаңа қадамдары бейбітшілікке қол жеткізуді басты мақсат еткен және бұл үдеріс "жақын арада нәтиже беруі" күтілуде.