Парижде өткен аукционда Пабло Пикассоның «Гүл өрнекті қалпақ киген әйелдің бюсті (Дора Маар)» атты туындысы 37 миллион долларға сатылды, деп хабарлайды «Associated Press».
Бұл шығарма бастапқыда 9–11,6 миллион доллар көлемінде бағаланған еді, алайда соңында күтілген бағадан шамамен төрт есе қымбатқа сатылды. Картина атақты суретшінің музаcы және сүйіктісі болған Дора Маардың портреті болып табылады.
Пикассо бұл туындыны 1943 жылдың шілде айында салған. Бір жылдан кейін ол жеке коллекцияға өтіп, 80 жылдан астам уақыт бойы жеке иелікте сақталған. Сарапшылар картинаның сақталу жағдайын «өте жақсы» деп бағалаған.
Дора Маардың өзі де суретші және фотограф болған. Оның Пикассо арасындағы қарым-қатынасы 1936 жылдан 1945 жылға дейін жалғасқан.
Өнертанушылардың айтуынша, бұл туынды Пикассоның махаббат пен шабыт кезеңін ғана емес, сонымен қатар Екінші дүниежүзілік соғыс жылдарындағы оның психологиялық жағдайын да бейнелейді.
“Zamin”-ді Telegram-нан оқыңыз!
