“Numbeo” платформасының деректеріне сәйкес, Орталық Азия елдерінде халық шығындарының негізгі бөлігі азық-түлік пен тұрғын үй төлемдеріне жұмсалады. Қалған шығындар — киім, көлік, спорт және демалысқа — әлдеқайда аз. Бұл жағдай аймақтағы көптеген отбасылардың ең алдымен негізгі қажеттіліктерін қамтамасыз етуге ұмтылатынын көрсетеді.
Тәжікстан бұл бағытта алдыңғы орында тұр — халық табысының 37%-ы азық-түлікке кетеді. Тұрғын үй жалдау ақысы — 20%, мейрамханаларға — 15%, көлікке — 11%. Киім және демалысқа жұмсалатын қаражат ең аз — шамамен 6 және 5%.
Қырғызстан мен Қазақстанда да осындай көрініс байқалады: азық-түлік пен тұрғын үй шығындары отбасы бюджетінң шамамен жартысын құрайды. Қырғызстанда азық-түлік 28%, жалдау ақысы 25%, ал Қазақстанда тиісінше 30% және 23%.
Түрікменстан мен Өзбекстанда да жағдай ұқсас. Түрікменстанда азық-түлікке 35%, тұрғын үйге шамамен 30% жұмсалады. Өзбекстанда спорт пен демалысқа кететін шығындар жоғарырақ — 7%, бұл Орталық Азиядағы ең жоғары көрсеткіш.
Басқа ТМД елдерінде де шығын құрылымы ұқсас. Ресейде азық-түлік шығындары 29%, Беларусьта — 29,3%, ал Армения мен Әзербайжанда азық-түлік, жалдау және мейрамханаларға жұмсалатын шығындар отбасы бюджетінң 60%-дан астамын құрайды.
Мамандардың пікірінше, бұл мәліметтер Орталық Азия халқы табысының басым бөлігі әлі де өмірлік қажеттіліктерге жұмсалып жатқанын көрсетеді.
“Zamin”-ді Telegram-нан оқыңыз!
